ԵՐԵՎԱՆ, 2 փետրվարի- Sputnik. Չեխ հնագետները Եգիպտոսում` Կահիրեից հարավ գտնվող Աբու Սեյր շրջանում, հին փայտյա նավի մնացորդներ են գտել և պարզել, որ նավն առնվազն 4,5 հազար տարեկան է, հայտնում է ՌԻԱ Նովոստին` ներկայացնելով Եգիպտոսի հնագույն հուշարձանների և մշակութային ժառանգության նախարարության հայտարարությունը։
Նավը գտել են դամբարանի կողքին, որը կոչում է «մաստաբա АS 54»։ Ենթադրվում է, որ այն պատկանել է փարավոնների 3-րդ կամ 4-րդ դինաստիայի (մ.թ.ա. 2,550 տարի առաջ) կառավարիչների օրոք ինչ-որ բարձրաստիճան պաշտոնյայի։ Նավը, որը կարող էր օգտագործվել հուղարկավորության ժամանակ, նկատվել է 2015թ.-ին դամբարանին հարակից տարածքը մաքրելու ժամանակ։ Ներկա պահին գիտնականներին հաջողվել է մաքրել 18-մետրանոց հին նավի որոշ դետալները, նկատվել են նաև ճոպանների հատվածներ, որոնցով կապվել են նավի մասերը։
Եգիպտական կառավարության տվյալներով` չեխ հնագետների գտածոն թույլ կտա զգալիորեն ընդլայնել գիտնականների տեղեկությունները Հին Եգիպտոսի կյանքի մասին։
