ԵՐԵՎԱՆ, 2 փետրվարի — Sputnik. Ադրբեջանը միտումնավոր անում է ամեն ինչ, որ վնասի ԵԱՀԿ Մինսկի խմբի ձևաչափին, ասուլիս ժամանակ ասաց ՀՀ արտգործնախարար Էդվարդ Նալբանդյանը։
«Ադրբեջանը ցանկանում է վնասել այդ ձևաչափը, որովհետև այդ սեղանի շուրջ չի կարողանում փաթաթել իր մոտեցումները»,- ասաց Նալբանդյանը։
Ըստ նախարարի` Մինսկի խմբի ջանքերն ուղղված են հակամարտության բացառապես խաղաղ լուծմանը, այդ պատճառով էլ Ադրբեջանը փորձեց հարցը տեղափոխել ԵԽԽՎ։
Հիշեցնենք, որ հունվարի 26-ին ԵԽԽՎ-ն մերժեց բրիտանացի խորհրդարանական Ռոջեր Ուոլթերի առաջարկած «Բռնության աճը Լեռնային Ղարաբաղում և Ադրբեջանի մյուս օկուպացված տարածքներում» զեկույցը։
