ԵՐԵՎԱՆ, 01 փետրվարի-Sputnik. Սքրինինգային ծրագիրը մեկնարկել է 2015 թվականին և անցկացվելու է 3 տարի։ Առողջապահության նախարարությունը հայտնում է, որ միայն նախորդ տարի հանրապետությունում իրականացվել է 58 հազար 602 ՊԱՊ թեստ։ 197 հազար 110 քաղաքացու մոտ իրականացվել է արյան մեջ քաղցի գլյուկոզի հետազոտություն, իսկ 270 հազար 490 քաղաքացի անցել է զարկերակային գերճնշման հայտնաբերման սքրինինգ։
Նշյալ սքրինինգները նախատեսված են հիվանդությունների վաղ հայտնաբերման, վերահսկման և մահացության թվի նվազեցման համար։ Անվճար հետազոտություն անցնելու համար պետք է դիմել տեղամասային պոլիկլինիկա կամ սպասարկող ամբուլատորիա։
