ԵՐԵՎԱՆ, 1 փետրվարի — Sputnik. Հայաստանի նոր օմբուդսմենը կնշանակվի մեկ ամսվա ընթացքում, Հայաստանի ԱԺ առաջին նիստի բացման ժամանակ ասաց խոսնակ Գալուստ Սահակյանը;
Նրա խոսքով` արդեն նախկին օմբուդսմեն Կարեն Անդրեասյանի հրաժարականի որոշումն ընդունվել է նրա դիմումի հիման վրա։ Ինչ վերաբերում է մարդու իրավունքների նոր պաշտպանի ընտրության, ապա դա կլինի ըստ կանոնակարգի` մեկ ամսվա ընթացքում։
Անդրեասյանն իր հրաժարականը բացատրել էր հետևյալ կերպ. «Եթե 2016 թվականին էլ հենց ես մնայի Օմբուդսմեն, ապա այս կարևորագույն ինստիտուտն այլևս չէր լինի այնքան արդյունավետ, որքան դարձել էր երկար տարիների չարչարանքի շնորհիվ»
Կարեն Անդրեասյանը Հայաստանի երրորդ օմբուդսմենն էր։ Նա այս պաշտոնը զբաղեցնում էր 2011 թվականի մարտից։
