ԵՐԵՎԱՆ, 31 հունվարի — Spurnik. Ըմբիշ Արսեն Ջուլֆալակյանը ոսկե մեդալ է նվաճել Վեհբի Էմրեի և Համիդ Քափլանի անվան միջազգային 34-րդ մրցաշարում, հայտնում է ՀԱՕԿ լրատվության բաժինը:
Հայ ըմբիշն անցկացրել է 4 գոտեմարտ: Մինչ եզրափակիչ փուլը Ջուլֆալակյանը 8:0, 4:0 և 3:0 հաշվով առավելության է հասել մրցակիցների նկատմամբ: Եզրափակչում աշխարհի 2014 թվականի չեմպիոնի մրցակիցը վրացի Մինդա Ծուլուկիձեն էր, որին հայ մարզիկը հաղթեց 3:0 հաշվով` արժանանալով ոսկե մեդալի:
Մրցաշարին մասնակցել է նաև Հայաստանի հավաքականի անդամ, 66 կգ քաշային Արամ Ջուլֆալակյանը, ով մեկնարկային գոտեմարտում 2:4 հաշվով պարտվել է ադրբեջանցի Ռովշան Տագիևին:
