ԵՐԵՎԱՆ, 31 հունվարի — Spurnik. Հունվարի 31-ից փետրվարի 2-ն ընկած ժամանակահատվածում պաշտոնական այցով Հայաստանի Հանրապետությունում է գտնվում Վրաստանի պաշտպանության նախարար Թինաթին Խիդաշելիի գլխավորած պատվիրակությունը, հայտնում է ՀՀ պաշտպանության նախարարության լրատվական ծառայությունը։
Այցի ընթացքում նախատեսված են պատվիրակության հանդիպումները Հայաստանի նախագահի, Ամենայն Հայոց Կաթողիկոսի, ՀՀ վարչապետի, պաշտպանության և արտաքին գործերի նախարարների հետ:
Երկուշաբթի վրացական պատվիրակության և ՀՀ պաշտպանության նախարարության ղեկավարության միջև ընդլայնված կազմով հանդիպում կանցկացվի` երկու երկրների միջև 2016թ. ռազմական համագործակցության ծրագրի ստորագրմամբ:
