ԵՐԵՎԱՆ, 31 հունվարի — Sputnik. Դամասկոսի Սայիդա Զեյնաբ թաղամասում տեղի ունեցած ահաբեկչության ժամանակ զոհվածների թվում հայեր չկան, հայտնում է ՀՀ արտաքին գործերի նախարարությունը։
Դամասկոսի թաղամասերից մեկում գրանցված երեք պայթյունի հետևանքով զոհերի թիվը հասել է 59-ի, 128 մարդ վիրավորվել է:
Սկզբից ավտոբուսի կանգառի մոտ պայթել է պայթուցիկով լցված ավտոմեքենան, իսկ այնուհետև, երբ մարդիկ հավաքվել են վիրավորներին օգնելու, երկու մահապարտներ գործի են դրել իրենց պայթուցիկ սարքերը:
Ինչպես հաղորդել է «Ալ-Ջազիրա» հեռուստաալիքը, ահաբեկչության պատասխանատվությունն իր վրա է վերցրել «Իսլամական պետություն» խմբավորումը: Ինչպես ավելի վաղ հայտնել էին ոստիկանությունից, ռումբերը պայթել են Սայիդ Զեյնաբի Կուու-աս-Սուդան թաղամասում:
