ԵՐԵՎԱՆ, հունվարի 31 — Sputnik. Լուսնի փուլերն ուղղակիորեն կապված են մեր մոլորակի վրա տեղումների քանակի հետ, նման եզրակացության են եկել ամերիկացի երկրաֆիզիկոսները: Նրանց ուսումնասիրությունների արդյունքները հրապարակվել են Geophysical Research Letters ամսագրում:
Գիտնականների խոսքով` լիալուսնը բերում է մթնոլորտի վերին շերտերում ճնշման ու ջերմաստիճանի բարձրացման ներքևի շերտերում: Իր հերթին տաք օդն ավելի շատ խոնավություն է պարունակում, ու այդպիսով տեղումների քանակն ավելանում է:
Երկրաֆիզիկոսները պնդում են, որ լիալուսնի շրջանում տեղումների քանակն ավելանում է մոտ 1 տոկոսով:
«Որքանով ես տեղյակ եմ, սա առաջին ուսումնասիրությունն է, որտեղ համոզիչ կերպով ապացուցվում է կապը Լուսնի կողմից գործող մակընթացային ուժերի ու Երկրի մակերևույթի տեղումների միջև», — ասել է աշխատության գլխավոր հեղինակ, Վաշինգտոնի համալսարանի ուսանող Ցուբաս Կոխայաման:
Ուսումնասիրությունը կարող է օգտակար լինել մոլորակի կլիմայական մոդելների թեստավորման համար:
Առաջին անգամ Լուսնի փուլերի հետ կապված մթնոլորտի ճնշման փոփոխություն գիտնականները նկատել են 1847 թվականին, իսկ ջերմաստիճանի տատանումներ` 1932 թվականին:
