ԵՐԵՎԱՆ, 30 հունվարի — Sputnik. Հայաստանի սոցիալապես անապահով քաղաքացիներին անվճար կցորդ սարքեր են տրամադրվում, որի ավարտից հետո արդեն անցում կկատարվի հեռուստատեսային հեռարձակման թվային համակարգին, այս մասին NEWS.am-ի թղթակցին ասաել է ՀՀ տրանսպորտի և կապի նախարարության
«Հեռուստատեսային և ռադիոհաղորդիչ ցանց» ՓԲԸ գլխավոր տնօրեն Գրիգոր Ամալյանը
«Արդեն սկսել ենք բաժանել սարքերը: Կարծում եմ՝ հաջորդ շաբաթվա սկզբին կլինեն մարզեր, որտեղ ամբողջությամբ սարքերը բաժանված կլինեն, և կկարողանանք անցում կատարել թվային հեռարձակման»,- ասել է Ամալյանը:
Նախարարության պաշտոնյայի պնդմամբ՝ մինչև անալոգային հեռարձակումն անջատելը համապատասխան հայտարարություն կլինի:
Հայաստանում պետք է հեռուստատեսային հեռարձակման թվային համակարգի անցում կատարվեր հունվարի 1-ին, սակայն սոցիալապես անապահով ընտանիքներին անվճար տրամադրվելիք սարքերը Հայաստան բերվեցին միայն ամսվա կեսին: Այս պահին պետությունը պատվիրել է 48 հազար 700 սարք:
Դեռևս հայտնի չէ, թե ամբողջությամբ երբ անցում կկատարվի հեռարձակման թվային համակարգի:
