Սալոնիկում թոշակային բարեփոխումների դեմ ուղղված ակցիան անկարգությունների է վերածվել։ Դիտեք տեսանյութում, թե ինչպես են ցուցարարները ճոճում ոստիկանության ավտոբուսն ու փորձում գյուղատնտեսության ցուցահանդեսի տարածքի մուտքի մոտ ճեղքել անվտանգության ուժերի պատնեշը։
Հունաստանում շուրջ 5 հազար ֆերմեր էր հավաքվել գյուղատնտեսության ամենամյա ցուցահանդեսին։ Ցուցահանդես-տոնավաճառի բացման ժամանակ նրանք արգելափակել էին սրահի մուտքը, հայտնում է Ruptly գործակալությունը։ Ցուցարարները նաև փակել էին որոշ ճանապարհներ ու այրել ոստիկանական մեքենաները։ Բախման հետևանքով մի քանի մարդ վնասվածքներ է ստացել։
Skai հեռուստաընկերության տվյալով` ֆերմերներին հաջողվել է ձախողել Agrotica միջազգային գյուղատնտեսական ցուցահանդեսի բացումը։ Ցուցարարները փորձել են ճեղքել շղթան, որին ի պատասխան ոստիկանության աշխատակիցներն արցունքաբեր գազ ու լուսաձայնային նռնակներ են կիրառել։ Գյուղատնտեսության նախարար Վանգելիս Ապոստոլը հայտարարել է, որ բախումը կազմակերպել են «աջակողմյան սադրիչ և ուլտրաաջակողմյան ուժերը»։
Կենսաթոշակային բարեփոխումը նախատեսում է կրճատել թոշակառուների արտոնությունները, բարձրացնել թոշակային վճարներն ու ֆերմերների շահույթի տոկոսադրույքը։
