ԵՐԵՎԱՆ, 29 հունվարի- Sputnik. Երեխայի սպանության փաստով քրեական գործ է հարուցվել, հաղորդում է ՌԻԱ Նովոստին` հղում անելով ՌԴ ՔԿ շրջանային վարչությանը։
Նախնական տվյալով` երեխան 9-րդ հարկում գտնվող բնակարանում է եղել մոր, նրա կենակցի, ինչպես նաև վերջինի քրոջ և մոր հետ։ Կերուխումի ընթացքում ներկաներից մեկը երեխային դուրս է գցել պատուհանից։
Երեխայի մարմինը գտել են առավոտյան ժամը վեցին Օլիմպիական պողոտայի 4-րդ մասնաշենքի 36 շենքի պատուհանների տակ` ձյան վրա։ Երեխան եղել է մոտավորապես 1,5 տարեկան։
«Տվյալ փաստով Միտիշչի քաղաքի քննչական բաժինը հարուցել է քրեական գործ` «Անչափահասի սպանություն» հոդվածով»,- ասվում է քննության հաղորդագրությունում։
