ԵՐԵՎԱՆ, 25 հունվարի — Sputnik. Երեքշաբթի առավոտյան Հայաստանի արևմտյան կեսում տեղումները կդադարեն, իսկ երեկոյան ժամերին դրանք կդադարեն նաև հարավային կեսում` Վայոց Ձորում, Սյունիքում, Sputnik ռադիոկայաննի եթերում հայտնեց ՀՀ ՏԿԱԻՆ Հիդրոմետ ծառայության օդերևութաբանութան կենտրոնի պետ Զարուհի Պետրոսյանը։
Նա նշեց, որ երեքշաբթի հատկապես ցերեկային ժամերին օդի ջերմաստիճանն աստիճանաբար կնվազի, իսկ 27-28-ին գիշերային ժամերին կդիտվի ջերմաստիճանի էական նվազում։
«Հունվարի 27-28-ին գիշերային ջերմաստիճանը լեռնային վայրերում կնվազի մինչև 21-26 աստիճան, ցերեկը` 11-14 աստիճան ցուրտ։ Լոռիում գիշերը կդիտվի 18-23 աստիճան, ցերեկը` 10 աստիճան ցուրտ։ Արարատյան դաշտում գիշերը նույն օրերին կլինի 13-16, ցերեկը` մինչև 6 աստիճան ցուրտ»,- ասաց Պետրոսյանը։
Պետրոսյանը հայտնեց, որ փետրվարի սկզբին ևս մեկ ցիկլոն է շարժվելու դեպի Հայաստան։ Այդ պատճառով փետրվարի առաջին կեսին կլինի համեմատաբար ցուրտ, իսկ երկրորդ կեսից կնկատվի ջերմաստիճանի էական բարձրացում։ Ընդհանրապես, ըստ Պետրոսյանի, այս տարի փետրվարի օդի միջին ջերմաստիճանը 1-2 աստիճանով նորմայից բարձր կլինի։
