ԶԼՄ. ԱՄՆ–ի աթեիստները պահանջում են դոլարի վրայից հանել Աստծու մասին հիշատակումը

ԵՐԵՎԱՆ, 25 հունվարի — Sputnik. Աթեիստների ներկայացրած հայցում նշված է, որ In God We Trust («Ապավինում ենք Աստծուն») արտահայտությունը սահմանադրական նորմի խախտում է։

Եթե դատարանը բավարարի 41 հոգու ներկայացրած հայցը, այդ արտահայտությունը կհանվի թղթադրամի վրայից։ Հայցը ներկայացրած քաղաքացիներն իրենց քայլը բացատրում են այն հանգամանքով, որ թեև իրենք իրենց համոզմունքներով «հումանիստներ են», այնուհանդերձ «ստիպված են ամեն օր ձեռքը վերցնել թղթադրամներ, որոնց վրա աստծու մասին է գրված, ինչը ենթադրում է, որ աստված միջամտում է ֆինանսական գործարքներին»։

Լրատվամիջոցները գրում են, որ սա առաջին դեպքը չէ ԱՄՆ-ի դատական պրակտիկայում ։ Ավելի վաղ մի խումբ քաղաքացիներ դատի էին տվել ԱՄՆ-ի կառավարությանը` պահանջելով երկրի դրոշին հավատարիմ մնալու երդման տեքստից հանել «Աստծու ներքո» արտահայտությունը։