ԵՐԵՎԱՆ, 25 հունվարի — Sputnik. ՏԿԱԻՆ Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը Sputnik Արմենիային հայտնեց, որ հունվարի 28-ին լեռնային շրջաններում ջերմաստիճանը գիշերը կիջնի մինչև –30 աստիճան, Արարատյան դաշտում և Երևանում` –15–ից —17 աստիճան։
Այս գիշեր հանրապետության տարածքում տեղացել է առատ ձյուն, առանձին հատվածներում տեղացել է ամսական նորմայի չափ տեղումներ:
Ձյան ծածկի առավելագույն բարձրությունը Ջերմուկում հասնում է 87սմ, Հրազդանում 86սմ, Ապարանում 65սմ, Քաջարանում 63սմ, լեռնային մարզերում բուք է և ցածր տեսանելիություն: Օդի ջերմաստիճանը կտրուկ նվազել է Ամասիայի և Աշոցքի հատվածում։ Այս պահին նշված շրջաններում արդեն –16-ից –17 աստիճան է, Երևանում` –4 աստիճան:
Ցիկլոնի ազդեցությունը կպահպանվի մինչև վաղը ցերեկը, հանրապետության ողջ տարածքում այսօր և վաղը կտեղա ձյուն, լեռնային շրջաններում բուքը կշարունակվի, օդի ջերմաստիճանը մինչև հունվարի 28-ը անընդհատ կնվազի:
Հունվարի 29-ից եղանակն աստիճանաբար կտաքանա:
