ԵՐԵՎԱՆ, 24 հունվարի — Sputnik. Հանրապետության տարածքում hունվարի 24-26-ին շրջանների զգալի մասում սպասվում են տեղումներ, 24-ին հովտային գոտիներում‵ թաց ձյուն: Հունվարի 27-28-ին սպասվում է առանց տեղումների եղանակ:
Քամին կլին՝ հյուսիս-արևմտյան‵ 8-12 մ/վրկ արագությամբ: 24-25-ին առանձին վայրերում սպասվում է քամու ուժգնացում‵ 20-25մ/վրկ, առանձին շրջաններում‵ բուք, ցածր տեսանելիություն, ճանապարհներին‵ մերկասառույց:
Օդի ջերմաստիճանը 24-27-ին աստիճանաբար կնվազի 12-15 աստիճանով: Հունվարի 28-ին Գեղարքունիքում, Արագածոտնի նախալեռներում, Վայոց Ձորի լեռներում գիշերային ժամերին օդի ջերմաստիճանև կհասնի —21-ից —26 աստիճանի:
Երևանում հունվարի 24-ին սպասվում է թաց ձյուն, 25-26-ին‵ ձյուն: 27-28-ին սպասվում է առանց տեղումների եղանակ: Հունվարի 27-ին և 28-ին գիշերային ժամերին օդի ջերմաստիճանը կկազմի —14-ից —16 աստիճան:
