«Ռոսիա սեգոդնյա» ՄԼԳ-ում կազմակերպված ասուլիսի թեման վերաբերել է Ռուսաստանում գրիպով և սուր շնչառական վարակով հիվանդանալու խնդրին: Պրոֆեսոր Վլադիմիր Նիկիֆորովը պատասխանել է վարակի տարածմանն ու հիվանդության կանխարգելման մեթոդներին առնչվող հարցերին
Գրիպի վարակի բռնկումը կտևի մոտավորապես մինչև փետրվարի կեսը, հայտարարել է ՌԴ Դաշնային բժշկական-կենսաբանական գործակալության որակավորման բարձրացման ինստիտուտի վարակիչ հիվանդությունների ամբիոնի վարիչ Վլադիմիր Նիկիֆորովը:
«Ընդհանուր առմամբ սովորական իրավիճակ է՝ կապված հենց գրիպային վարակի հետ, ես արտառոց ոչինչ չեմ տեսնում: Թեև, իհարկե, բժշկական ծառայության լարվածությունը հիմքեր ունի»,- նշել է պրոֆեսորը:
Վարակի տարածման դեմ հաջողությամբ պայքարելու համար անհրաժեշտ են կանխարգելիչ միջոցներ: Վլադիմիր Նիկիֆորովը խորհուրդ է տվել բժշկական դիմակ օգտագործել, որը պետք է փոխել երկու ժամը մեկ, ինչպես նաև օգտագործել բնական վիտամիններ դեղահաբերի փոխարեն:
