ԵՐԵՎԱՆ, 21 հունվարի — Sputnik. Ավանդույթի համաձայն` այդ օրը կարելի է բարեկամաբար գրկել նույնիսկ անծանոթներին: Թեև տոնն այնքան էլ հին չէ, այնուհանդերձ հայտնի չէ, թե ով է տոնի հեղինակը։ Հայտնի չէ, թե ով է հունվարի 21-ը Գրկախառնության տոն հռչակել և ինչու է ընտրվել հենց այդ օրը:
Համարվում է, որ տոնի նախաձեռնողներն ուսանողներն են: Վերջին տարիներին հունվարի 21-ին տարբեր ֆլեշմոբեր են անցկացվում: Շատերը հավատում են, որ ընկերական գրկախառնության ժամանակ մարդիկ միմյանց հոգևոր ջերմություն են փոխանցում:
