ԵՐԵՎԱՆ, 20 հունվարի- Sputnik. Հայաստանում տեղակայված ռուսական ռազմակայանում սկսվել Է դահուկավազքի զորամիավորման առաջնությունը, հայտնում է ՀՌՕ-ի մամուլի ծառայությունը:
«Մեկամսյա նախապատրաստական փուլի ընթացքում զինծառայողներն ամեն օր մրցել են 1-10 կմ տարածության վրա: Որպես մարզումների որակի ցուցանիշ կարելի է նշել այն, որ անցած տարի զորամիավորման թիմն առաջին տեղն է զբաղեցրել ՀՌՕ-ի զորամասերի շարքում»,- ասել է ռազմակայանի հրամանատարի ֆիզիկական պատրաստվածության և սպորտի հարցերով օգնական, կապիտան Ալեքսանդր Վոլնիխը:
Դահուկավազքից բացի, ՀՌՕ-ի ռազմակայանում ընթացիկ տարվա փետրվար-մարտին կանցկացվեն նաև լողի, ռազմական հնգամարտի, մարզական կողմնորոշման և հրաձգության ընտրական մրցումներ:
