ԵՐԵՎԱՆ, 20 հունվարի — Sputnik. Հինգշաբթի` հունվարի 21-ին, ժամը 12։00-ին Sputnik Արմենիա միջազգային մամուլի կենտրոնում («Իմպերիում պլազա» բիզնես-կենտրոնի շենք, հասցե` Ամիրյան 4/7, 4-րդ հարկ) տեսակապի միջոցով կլոր սեղան կանցկացվի` «Նոր տնտեսական իրողություններ ԵՏՄ երկրների համար: Ինչպես հաղթահարել ֆինանսական դժվարությունները» թեմայով։
Ռուսաստանի կառավարությունը նախատեսում է 2016 թվականի բյուջեի ծախսերը նվազեցնել 10 տոկոսով, քանի որ նավթի գինը կարող է ընկնել ու մեկ բարելի դիմաց կազմել 25 դոլար: Իր պետբյուջեն կվերանայի նաև Ղազախստանը: Սոցիալ-տնտեսական զարգացման հնգամյա ծրագրի մշակման մասին է հայտնել նաև Բելառուսի էկոնոմիկայի նախարարը:
Որքա՞ն կնվազեն ԵՏՄ երկրների քաղաքացիների իրական եկամուտները: Որքա՞ն լուրջ են ԵՏՄ երկրների տնտեսական խնդիրները: Ի՞նչ կանխատեսումներ կարելի է անել Հայաստանի և Ղրղըզստանի տնտեսական վիճակի վերաբերյալ, առկա ֆինանսական խնդիրներն ինչպե՞ս կանդրադառնան ինտեգրման գործընթացների վրա:
Միջոցառմանը կմասնակցեն
ՌԳԱ ժողտնտեսության կանխատեսման ինստիտուտի փոխտնօրեն Ալեքսանդր Շիրովը,
ՌԳԱ էկոնոմիկայի ինստիտուտի միջազգային տնտեսական ու քաղաքական հետազոտությունների բաժնի հետխորհրդային հետազոտությունների կենտրոնի ղեկավար Լեոնիդ Վարդոմսկին։
Ռազմավարական հետազոտությունների ռուսական ինստիտուտի տնտեսական հետազոտությունների կենտրոնի միջազգային տնտեսական կազմակերպությունների հատվածի ղեկավար Վյաչեսլավ Խոլոդկովը։
ՌԳԱ տնտեսագիտության ինստիտուտի առաջատար գիտաշխատող, ԱՊՀ երկրների ինստիտուտի տնտեսագիտության բաժնի ղեկավար Ազա Միհրանյանը
Հումանիտար-քաղաքական հետազոտությունների միջազգային ինստիտուտի փորձագետ Վլադիմիր Բրուտերը:
Մամուլի կենտրոնի ծանուցումները ստանալու համար կարելի է բաժանորդագրվել` հայտ ուղարկելով h.sahakyan@sputniknews.com էլեկտրոնային հասցեով։
Երևանում Sputnik մուլտիմեդիոն միջազգային մամուլի կենտրոնի ղեկավարն է Հասմիկ Սահակյանը։
Հեռախոսահամար` +374 (94) 18-33-77։
