ԵՐԵՎԱՆ, 19 հունվարի — Sputnik. Մոսկվայի եղանակային պայմանները չեն անդրադարձել «Զվարթնոց» միջազգային օդանավակայանի աշխատանքի վրա, Sputnik Արմենիա պորտալի թղթակցին հայտնել է քաղավիացիայի գլխավոր վարչության մամուլի քարտուղար Ռուբեն Գրձելյանը:
«Այսօր առավոտյան որևէ խնդիր չի եղել: Եվ այս պահին Մոսկվա-Երևան և Երևան-Մոսկվա չվերթերն իրականացվում են առանց ուշացումների ու չեն հետաձգվում», — ասաց Գրձելյանը:
Սակայն «Զվարթնոց» օդանավակայանի առցանց չվացուցակի տվյալներով` ժամը 19:00-ի դրությամբ Մոսկվայի «Դոմոդեդովո» օդանավակայանից Երևան երկու չվերթ է ուշանում: «ՎԻՄ-Ավիա» և «Ուրալսկիե ավիալինիի» ավիաընկերությունների ինքնաթիռներն ուշանում են մեկ ժամով:
