Ակցիան անցկացվում էր Բեռլինի արևելյան շրջանում: Ցուցարարները պատմեցին, որ մտահոգված են ռուսախոս աղջկա բռնաբարության գործի առնչությամբ ստեղծված իրավիճակով:
«Ամբողջ Բեռլինում փնտրեցին, որ գտնեն նրան։ Ցանկացած ոք, ով երեխա ունի, եթե երեխան ժամանցի վայրից տուն չի վերադարձել գիշերվա երկուսին, երեքին, սկսում է անհանգստանալ: Պետք է ավելի ու ավելի շատ մարդիկ հավաքվեն, միգուցե իշխանությունները հասկանան, որ վերջապես նրանց որևէ ձևով պատժեն», — կիսվել է ակցիայի մասնակիցներից Ալեքսանդրը:
Ավելի վաղ գերմանական ոստիկանության պաշտոնական ներկայացուցիչը ՌԻԱ Նովոստիին հայտնել էր, որ հանցակազմի բացակայության հետ կապված` Բեռլինում աղջկա բռնաբարության գործը փակվել է, ու մոտ ժամանակներս այն կփոխանցվի դատախազություն:
13-ամյա Լիզան, հարազատների կարծիքով, կորել է հունվարի 11-ի առավոտյան դպրոց գնալիս, նրան գտել են փողոցում մի քանի օր անց: Ընտանիքի պնդմամբ` երեխային բռնաբարել են երեք փախստականներ:
Աղջկա հարազատներից մեկը պարզաբանել է, որ չարագործներից մեկը մոտեցել է դեռահասին ու առաջարկել դպրոց մեքենայով տանել, ինչից հետո երեխային մեքենայով տարել են անհայտ մի բնակարան, որտեղ և իրականացրել են հանցագործությունը:
