ԵՐԵՎԱՆ, 19 հունվարի — Sputnik. Հայաստան-Վրաստան սահմանին «Բավրա» մաքսային կետի մոտակայքում գտնվող ճանապարհը, որը փակվել էր ուժեղ ձնաբքի պատճառով, բացվել է, հայտնում է ՀՀ ՏԿԱԻՆ մամուլի ծառայությունը:
«Երեկ երեկոյան ուժեղ ձնաբքի պատճառով դադարեցված երթևեկությունը Բավրայի մաքսակետի վրացական հատվածում վերականգնվել է», — հայտնում է նախարարության մամուլի ծառայությունը:
Այս շաբաթվա սկզբից առատ ձյուն է տեղում Ուկրաինայում և Կենտրոնական Ռուսաստանում: Մոսկվայում երեքշաբթի երեկոյան սպասվում են 9 բալանոց խցանումներ: Ուկրաինայի արտակարգ ծառայությունները շարունակում են վերացնել անոմալ ձյան տեղումների հետևանքները. Վատ եղանակի պատճառով սահմանափակվել է երթևեկությունը ճանապարհներին, հոսանքազրկվել են 300 բնակելի տարածքներ, չեն աշխատել հարավ-արևելքի օդանավակայանները: Իսկ Ստամբուլում ուժեղ ձյան պատճառով 233 ավիաչվերթ է հետաձգվել:
