Գերմանիայի քաղաքներում բռնության և ատելության դեմ ուղղված ցույցերին հազարավոր մարդիկ են մասնակցել: Դիտեք տեսանյութում, թե ինչպես են ընթացել բողոքի ցույցերը։
Քյոլնի տաճարի մոտ հավաքվել էր շուրջ 1000 մարդ, նրանք բողոքել են կանանց վրա հարձակումներից հետո իրականացված սեռական բռնության դեմ: Ցուցարարների ձեռքում պաստառներ են եղել, որոնց վրա գրված է եղել. «Խնդիրը սեռական բռնությունն է, ոչ թե բողոքի ցույցերը»։
Շտուտգարտում անցկացվող ցույցին շուրջ 7 հազար մարդ է մասնակցել: Ցուցարարները կոչ են արել դիմակայել միգրանտների դեմ թշնամական վերաբերմունքին և միևնույն ժամանակ դատապարտել են զանգվածային հարձակումները, որոնք տեղի են ունեցել Քյոլնում Ամանորի գիշերը:
Ամանորի գիշերը Քյոլնում մի շարք անկարգություններ են գրանցվել։ Ոստիկանությունը ավելի քան 600 դիմում է ստացել կանանցից, որոնք սեռական բռնության են ենթարկվել։ Գրանցվել են նաև գողության դեպքեր։ Ականատեսները նշել են, որ կանանց վրա հարձակվել են սևամորթ երիտասարդները։ Այս իրադարձություններից հետո հարձակման դեպքեր են գրանցվել Գերմանիայի ողջ տարածքում։ Ամանորին նմանատիպ դեպքեր են տեղի ունեցել նաև Գերմանիայի այլ քաղաքներում` Համբուրգում և Շտուտգարտում, ինչպես նաև` Շվեյցարիայի Ցյուրիխ ու Ավստրիայի Զալցբուրգ քաղաքներում: Դյուսելդորֆի բնակիչները որոշել են ազգային ջոկատներ կազմել, որպեսզի քաղաքացիներին պաշտպանեն միգրանտների ոտնձգություններից:
