Երիտասարդ գիտնականների խումբը ներկայացրել է աշխարհում առաջին ավտոմեքենայի նախատիպը, որի էներգիայի աղբյուրը մրջնաթթուն է։ Մշակողների խոսքով` իրենց հայտնագործությունը թույլ կտա տրանսպորտի համար էներգիա ստանալ հասարակ և էժան միջոցով։
«Մրջնաթթուն վառելանյութ է, որը կարող է արտադրվել շատ հեշտ եղանակով, որովհետև այն ստանալու համար պետք է ջուր, СО2 և էլեկտրականություն։ Հետևաբար արտադրությունը շատ էժան է, եթե համեմատենք, օրինակ, վառելիքի կամ մարտկոցների հետ»,- ասել է մշակողների խմբի ղեկավար Մաքս Աերտսը։
Նրա կարծիքով` հայտնագործության առավելությունն այն է, որ եթե սովորական դեպքերում տրանսպորտն արտանետում է ածխաթթու գազ, ապա մրջնաթթվի արտադրության համար СО2-ը վերցվում է մթնոլորտից։
Այդ ավտոմեքենայի դետալների զգալի մասը ստեղծվել է վերամշակված նյութերից 3D-տպիչների օգնությամբ։
Աերտսը նաև հայտարարել է, որ թիմը պատրաստվում է 2016թ.-ին ներկայացնել իրենց մշակած տեխնոլոգիայով աշխատող ավտոբուսը։
