ԵՐԵՎԱՆ, 14 հունվարի — Sputnik. Հինգշաբթի Ջակարտայի կենտրոնում որոտացել են նոր պայթյուններ, հաղորդում է Ռոյթերս գործակալությունը` հղում անելով Kompas TV հեռուստաալիքին։
Ըստ տեղի ոստիկանության` պայթել է մեքենայի անիվը, այլ ոչ թե պայթուցիկ սարք։
«Պայթյունի ձայն է լսվել, ենթադրվում է, որ պայթել է բեռնատարի անիվը։ Բայց մենք չեն ցանկանում թերագնահատել իրավիճակը։ Մենք ուզում ենք անվտանգություն ապահովել»,- հաղորդել է ոստիկանության ներկայացուցիչ Մոհամադ Իքբալը։
Հինգշաբթի Ինդոնեզիայի մայրաքաղաք Ջակարտայի կենտրոնում` Sarinah առևտրի կենտրոնի մոտ, որի շուրջ գտնվում են հյուրանոցներ, դեսպանատներ և գրասենյակային շենք, տեղի է ունեցել պայթյունների շարք։ Սկզբից մահապարտ ահաբեկիչը պայթեցրել է իրեն առաջին հարկում գտնվող Starbucks սրճարանում, իսկ նրա հանցակիցներից մեկը` ոստիկանության պահակետի մոտ։
Դրանից հետո ոստիկանների և գրոհայինների միջև սկսվել է տևական փոխհրաձգություն։
