ԵՐԵՎԱՆ, 14 հունվարի- Sputnik. Հինգշաբթի Լոս Անջելեսում հայտարարել են «Օսկար» մրցանակի հավակնորդների անունները, մրցանակաբաշխությունը տեղի կունենա փետրվարի 28-ին։
«Լավագույն ֆիլմ» անվանակարգում առաջադրված են «Նվազեցման խաղ», «Լրտեսական կամուրջ», «Բրուքլին», «Խելագար Մաքսը. ցասումի ճանապարհ», «Մարսեցին», «Փրկվածը», «Սենյակ» և «Ուշադրության կենտրոնում»։
«Լավագույն դերասան» կոչմանը կարող են արժանանալ Բրայան Քրեսթոնը, Մեթ Դեյմոնը, Լեոնարդո դի Կապրիոն, Մայքլ Ֆասբենդերը և Էդի Ռեդմեյնը, ով անցյալ տարի այս անվանակարգում մրցանակ է ստացել Սթիվեն Հոքինգի դերակատարման համար։ Իսկ դի Կապրիոն առաջադրվել է մրցանակի հինգերորդ անգամ։
«Լավագույն դերասանուհի» կոչման համար կպայքարեն Քեյթ Բլանշեթը, Ջենիֆեր Լոուրենսը, Սիրշա Ռոնանը և Շառլոթա Ռեմփլինգը։ Ի դեպ, Լոուրենսն արդեն ստացել է մրցանակ 2013թ.-ին, իսկ Բլանշեթն ունի երկու ոսկե արձանիկ։
«Լավագույն ռեժիսոր» կոչմանը կարող են արժանանել Ադամ ՄաքՔեյը («Նվազեցման խաղ»), Ջորջ Միլերը («Խելագար Մաքսը. ցասումի ճանապարհ»,), Թոմ ՄաքՔարտին («Ուշադրության կենտրոնում»), Լենի Աբրահամսոնը («Սենյակ») և Ալեխանդրո Գոնսալես Ինյարիտուն («Փրկվածը»), ով 2015թ.-ին արձանիկ է ստացել «Բըրդմեն» ֆիլմի համար։
«Օսկարն» աշխարհի ամենահին և հեղինակավոր մրցանակներից է։ Ոսկե արձանիկները հանձնվում են 1929թ.-ից։
