Անցած տարվա նոյեմբերի 13-ին ահաբեկիչերի հարձակման թիրախ դարձած սրճարանը կրկին բացվել է։ Դիտեք տեսանյութում, թե ինչպես են սրճարանի աշխատակիցներն ու հաճախորդները նշել այդ իրադարձությունը
Le Carillon սրճարանը բացվել է ահաբեկիչների հարձակումից երկու ամիս անց։
«Անհնար է մոռանալ պատահածը։ Վիրավորների սահմռկեցուցիչ տեսարաններ, ամենուրեք արյուն, սարսափելի էր։ Մենք չափազանց ծանր ժամանակներ ենք ապրել։ Հիմա ուզում ենք մոռանալ այդ ամենը, մենք ապրել ենք ուզում»,- լրագրողներին է ասել հաստատության աշխատակիցներից մեկը։
Նոյեմբերի 13-ին Փարիզում միանգամից մի քանի ահաբեկչական գործողություն էր իրականացվել: Անհայտ անձինք կրակ էին բացել մայրաքաղաքի 10-րդ շրջանի ռեստորաններից մեկի ուղղությամբ, երեք պայթյուն էլ որոտացել էր «Սթադ դը Ֆրանս» մարզադաշտի անմիջական հարևանությամբ: Այդ պահին մարզադաշտում ընթանում էր Ֆրանսիա-Գերմանիա ֆուտբոլային հանդիպումը, որին ներկա էր նաև նախագահ Ֆրանսուա Օլանդը: Պայթյուն էր գրանցվել նաև «Բատակլան» թատրոնում, որտեղ անհայտ անձինք պատանդ էին վերցրել տասնյակ մարդկանց: Մահացել է 130 մարդ:
