ԵՐԵՎԱՆ, 14 հունվարի — Sputnik. Ջակարտայի կենտրոնում մի շարք պայթյունների հետևանքով զոհված անձանց թիվը հասել է չորսի, հայտնում է Ֆրանս Փրես գործակալությունը` հղում անելով ոստիկանությանը:
«Չորս մարդ է զոհվել, մեկը` ոստիկանության սպա և երեք քաղաքացի», — հայտնել է ոստիկանության սպա Անտոն Չարլիյանը (Anton Charliyan)։
Պայթյուններն իրականացրել են գրոհայինները, նրանց թվում մահապարտ-ահաբեկիչներ են եղել:
Նախնական տվյալով` քաղաքում վեց պայթյուն է որոտացել, մեկը`առևտրի կենտրոնի մոտ, որտեղ հյուրանոց, դեսպանատուն և գրասենյակներ կան: Պայթյուններից հետո քաղաքում նաև հրազենային կրակոցներ են հնչել:
