ԵՐԵՎԱՆ, 13 հունվարի — Sputnik. «Էրեբունի» ավիացիոն ռազմակայանում ավարտվել է 2015 թվականի վերջին ստացված ուղղաթիռների հավաքման գործընթացը, հայտնում է ՀՌՕ-ի մամուլի ծառայությունը:
«Երկու ուղղաթիռից բաղկացած օղակի առաջին թռիչքը անձնակազմերն իրականացրել են բարձրլեռնային պայմաններում ցածր ջերմաստիճանային ռեժիմներում: Մյուս ուղղաթիռների փորձնական թռիչքները նախատեսված են փետրվարին՝ սահմանային ցածր 100-ից մինչև առավելագույն 3500 մետր բարձրությունների վրա», — նշված է հաղորդագրության մեջ:
Փորձարկումներից հետո Մի-24 և Մի-8 ուղղաթիռների անձնակազմերը կանցնեն մարտական պատրաստության ծրագրով նախատեսված վարժությունների կատարմանը լեռնային տարածքում ցերեկային և գիշերային ժամերին:
