ԵՐԵՎԱՆ, 13 հունվարի- Sputnik. Կիլիկիայի Լևոն Առաջին արքայի (1198-1219թթ.) գահակալության ժամանակաշրջանի ոսկե մետաղադրամն օնլայն աճուրդում վաճառվել է 40 հազար ԱՄՆ դոլարով, տեղեկացնում է Cngcoins.com կայքը:
Կիլիկիայի հայկական թագավորության հազվագյուտ ոսկե մետաղադրամի 19.5 միլիմետր է, քաշը՝ 2.46 գրամ: Մետաղադրամի մի կողմում պատկերված է Լևոն Առաջինը՝ առյուծի գահին բազմած, ձախ ձեռքին՝ ջրաշուշան, իսկ աջին՝ խաչ: Մետաղադրամի հակառակ կողմում հետևի թաթերի վրա կանգնած երկու առյուծներ են՝ կաթողիկոսի խաչով:
Աճուրդի դրված մետաղադրամը ներկայացվել է Լոուրենս Ադամսի «Արարատյան հավաքածուից»: Լոտի մեկնարկային գինը 50 000 դոլար էր: Մետաղադրամը վաճառվել է նախորդ շաբաթ: Գնորդը հայտնի չէ:
