ԵՐԵՎԱՆ, 12 հունվարի — Sputnik. Չորեքշաբթի` հունվարի 13-ին, ժամը 13։00-ին Sputnik Արմենիա միջազգային մամուլի կենտրոնում («Իմպերիում պլազա» բիզնես-կենտրոնի շենք, հասցե` Ամիրյան 4/7, 4-րդ հարկ) կանցկացվի Մոսկվա-Երևան-Աստանա տեսակամուրջ «Ինտեգրման խորացման հեռանկարները։ Փորձագիտական հայացք Ռուսաստանից, Հայաստանից ու Ղազախստանից» թեմայով։
ԵՏՄ-ի անդամ պետությունների ղեկավարների որոշմամբ ԵՏՄ-ի նախագահությունը հունվարի 1-ին անցել է Ղազախստանին։ Երկրի նախագահ Նուրսուլթան Նազարբաևը գլխավորել է Եվրասիական տնտեսական Բարձրագույն խորհուրդը, երկրի վարչապետը` Եվրասիական միջկառավարական խորհուրդը, իսկ փոխվարչապետը` Եվրասիական տնտեսական խորհրդի հանձնաժողովը։ Փոփոխություններ են լինելու նաև ԵՏՀ-ում։
Եվրասիական տնտեսական միության շրջանակում համագործակցելու հեռանկարների, նոր ու առաջնային նախագծերի մասին կխոսեն փորձագետները։
Մոսկվայից կմասնակցեն`
ՌԳԱ Եվրոպայի ինստիտուտի ԱՊՀ երկրների ռազմավարական զարգացման կենտրոնի ղեկավար, ռազմավարական պլանավորման ու կանխատեսման ինստիտուտի տնօրեն Ալեքսանդր Գուսևը,
ՌԳԱ տնտեսագիտության ինստիտուտի հետխորհրդային պետությունների տնտեսական զարգացման հատվածի վարիչ Ելենա Կուզմինան։
Երևանից`
Հայաստանի տնտեսագիտական համալսարանի Տնտեսամաթեմատիկական մեթոդների ամբիոնի վարիչ, տնտեսագիտության դոկտոր, պրոֆեսոր Աշոտ Թավադյանը։
Աստանայից`
«Նուր Օտան» կուսակցության հանրային քաղաքականության ինստիտուտի տնօրենի տեղակալ Վլադիմիր Տելնովը։
Մամուլի կենտրոնի ծանուցումները ստանալու համար կարելի է բաժանորդագրվել` հայտ ուղարկելով h.sahakyan@sputniknews.com էլեկտրոնային հասցեով։
Երևանում Sputnik մուլտիմեդիոն միջազգային մամուլի կենտրոնի ղեկավարն է Հասմիկ Սահակյանը։
Հեռախոսահամար` +374 (94) 18-33-77։
