ԵՐԵՎԱՆ, 11 հունվարի- Sputnik. Քաղաքագետի կարծիքով` ակնհայտ է, որ Հյուսիսային Կորեան ունի միջուկային զենք։ Զանգվածային ոչնչացման զինատեսակը պետք է ոչ միայն պաշտպանվելու, այլ նաև հարձակվելու համար։ Ցանկացած բռնատիրական ռեժիմ հակված է, որ ընդլայնի իր ազդեցությունը և նոր զինատեսակներ ստեղծի։
Ըստ Ստեփանյանի` Հյուսիսային Կորեայի ղեկավարությունը հայտարարում է, որ ջրածնային ռումբ է ստեղծել իր ինքնիշխանությունը պաշտպանելու համար, սակայն կարծես թե ոչ ոք չի պատրաստվում հարձակվել այդ երկրի համար։ Ակնհայտ է, որ դա ոչ թե պաշտպանվելու, այլ հարձակվելու համար է։
«ԱՄՆ-ն և Ռուսաստանը, որոնք գրեթե բոլոր հարցերում տարաձայնություններ ունեն, Հյուսիսային Կորեայի դեպքում նույն դիրքորոշումն ունեն։ Աշխարհի գերտերությունները գիտակցում են, որ Հյուսիսային Կորեան պոտենցիալ սպառնալիք է աշխարհի համար»,- ասում է քաղաքագետը և նշում, որ օրինակ Հնդկաստանը և Պակիստանը դե ֆակտո միջուկային զենք ունեցող պետություններ են, բոլորը գիտեն, որ այս երկրներում կա միջուկային զենք, բայց աշխարհն ավելի հանդուրժող է նրանց նկատմամբ, քանի որ այդ երկրները միջուկային զենքը չտարածելու մասին միջազգային պայմանագրերի պատասխանատու անդամներ են, իսկ Հյուսիսային Կորեան հրաժարվում է միանալ դրանց։
Ստեփանյանը նշում է` կարևոր է այն, որ պետության ղեկավարը պատրա՞ստ է բանակցությունների, թե ոչ։ Բռնապետական ռեժիմներն անկանխատեսելի են։
