Ռուսաստանի նախագահ Վլադիմիր Պուտինը գերմանական Bild թերթին տված հարցազրույցում պատմել է այն պատճառների մասին, որոնց համաձայն` Ղրիմի բնակիչները ցանկություն են հայտնել միանալ Ռուսաստանին
Ռուսաստանը Ղրիմում զինված ուժեր է օգտագործել միայն այն պատճառով, որ այնտեղ գտնվող ուկրաինացի զինծառայողներին թույլ չտա միջամտել մարդկանց ազատ կամարտահայտմանը։
«Մենք չենք պատերազմել, ոչ ոքի չենք շրջափակել, ոչ մի տեղ չենք կրակել։ Ղրիմում տեղի ունեցած իրադարձությունների հետևանքով ոչ մի մարդ չի զոհվել»,- ընդգծել է նա։
ՌԴ նախագահի կարծիքով` «Ռուսաստանի և Ղրիմի վերամիավորման տակ պետք է հասկանալ ոչ թե սահմանների փոփոխությունը, այլ 2,5 մլն մարդու ճակատագրերը, որոնք օգտվելով ինքնորոշման իրենց իրավունքից` հայտնվել են բարդ իրավիճակում»։
ՌԴ նախագահը նաև հիշեցրել է, որ տվյալ դեպքում միջազգային իրավունքը չի ոտնահարվել, քանի որ ՄԱԿ-ի կանոնակարգի համաձայն` յուրաքանչյուր ժողովուրդ ունի ինքնորոշման իրավունք։ Նա օրինակ է բերել Կոսովոն, երբ ՄԱԿ-ի Միջազգային դատարանը որոշեց, որ ինքնիշխանության հարցը լուծելիս կարելի է հաշվի չառնել կենտրոնական իշխանությունների կարծիքը։
Ղրիմը և Սևաստոպոլը Ռուսաստանին միացան 2014թ.-ի հանրաքվեից հետո, երբ բնակիչների մեծ մասը ՌԴ-ի կազմում ընդգրկվելու հարցին կողմ քվեարկեց։
