ԵՐԵՎԱՆ, 8 հունվարի — Sputnik. Հայաստանի շրջանների մեծ մասում հունվարի 8-9-ին սպասվում են տեղումներ, հայտնում է ՏԿԱԻՆ-ը։
Առանձին հատվածներում սպասվում է բուք, ցածր հորիզոնական տեսանելիություն, ճանապարհներին` մերկասառույց:
Հունվարի 10-12-ին սպասվում է առավելապես առանց տեղումների եղանակ:
Քամին կլինի արևմտյան` 2-7 մ/վրկ արագությամբ, առանձին հատվածներում քամու ուժգնացում՝ 15-20մ/վրկ։
Օդի ջերմաստիճանը հունվարի 8-ի գիշերը կբարձրանա, 10-ին կնվազի 3-6 աստիճանով:
Երևանում հունվարի 8-9-ին սպասվում են տեղումներ, 10-12-ին՝ առանց տեղումների եղանակ։
ՏԿԱԻՆ-ից տեղեկացնում են, որ դեկտեմբերի 31-ից մինչև հունվարի 2-ը տեղացած ձյան տեղումների քանակը գերազանցել է ամսական նորման:
