ԵՐԵՎԱՆ, 7 հունվարի- Sputnik. Չինաստանի Շենսի նահանգի հանքահորում տեղի ունեցած փլուզման հետևանքով զոհվածների թիվը հասել է 11-ի, հաղորդել է Չինական կենտրոնական հեռուստատեսությունը։
Դեպքը տեղի է ունեցել չորեքշաբթի երեկոյան Շենմու գավառի Յույլին քաղաքում։ Փլուզման պահին հանքահորում եղել է 49 մարդ, նրանցից 38-ը կարողացել են ինքնուրույն դուրս գալ։
Պատահարի պատճառն անհայտ է, կատարվում է հետաքննություն։
