ԵՐԵՎԱՆ, 5 հունվարի — Sputnik. Մեծ թվով հայեր նախընտրել են Ամանորը նշել Թբիլիսիում, հունվարի 5-ին կազմակերպված ասուլիսի ժամանակ հայտնել է Վրաստանի հյուրանոցների ու ռեստորանների ֆեդերացիայի հիմնադիր Շալվա Ալավերդաշվիլին:
Ինչպես գրում է Sputnik Գրուզիան, զբոսաշրջության ազգային վարչության տվյալով՝ 2015 թվականին Վրաստան է այցելել 5897 մլն մարդ, ինչը 6.9 տոկոսով շատ է անցյալ տարվա ցուցանիշից: Այցելուների շարքում առաջատար են Վրաստանի հարևան երկրները: Առաջին տեղում Հայաստանն է` 2015 թվականին Վրաստան է այցելել շուրջ 1467 մլն ՀՀ քաղաքացի (11 տոկոս աճ):
«Մինչև հունվարի 7-ը Հայաստանում պաշտոնապես ոչ աշխատանքային օրեր են հայտարարվել, այդ պատճառով շատերը ժամանել են Թբիլիսի ու որոշել այստեղ նշել իրենց Ամանորը, ինչը շատ լավ է մեզ համար», — նշել է Ալավերդաշվիլին:
Հայաստանից հետո երկրորդ տեղում է Ադրբեջանը` ավելի քան 1392 մլն այցելու (9 տոկոս աճ): Երրորդ տեղում Թուրքիայի քաղաքացիներն են` 1391 մլն (4 տոկոս աճ): Առաջին տասնյակում են նաև Ռուսսաստանը, Ուկրաինան, Լեհաստանը, Իսրայելը, Ղազախստանը, Գերմանիան ու ԱՄՆ-ն:
