ԵՐԵՎԱՆ, 4 հունվարի — Sputnik. Ձնաբքի հետևանքով ճանապարհին մնացած մեքենաներում են եղել նաև Ազգային ժողովի նախագահ Գալուստ Սահակյանն ու ԱԺ մի շարք պատգամավորներ:
News.am-ի հետ զրույցում Գալուստ Սահակյանն ասել է, որ դա եղել է Մարտունու տարածքում, բայց դրա մեջ պետք չէ «սենսացիա որոնել», սովորական բան է, համապատասխան սարքավորումներով ճանապարհը բացվել է, և մեքենաները շարժվել են:
«Ձյուն է, մի քիչ պիտի արգելքները շատ լինեն, բնական է, որևէ սենսացիոն բան չկա: Համապատասխան միջոցներ են եղել, կարողացել են մեքենաների հետ համընթաց ճանապարհը բացել, մեքենաները գնացել են: Կարծում էիք՝ եթե ԱԺ նախագան անցնում էր, ձյունը պետք է հալվե՞ր միանգամից: Բա եղանակային պայմանները կարո՞ղ է՝ իշխանությանն են: Ինչպիսին մեր ժողովուրդն է, այդպիսին էլ ես եմ: Իհարկե, ես էլ եմ գնում, ես էլ եմ մարդկանց հանդիպում, ես էլ Նոր տարի անում»,- ասել է Գալուստ Սահակյանը:
