ԵՐԵՎԱՆ, 4 հունվարի- Sputnik. Իրանական պետական Press TV հեռուստաալիքի փոխանցմամբ` Թեհրանը ՀՀ տարածքով Վրաստան գազ մատակարարելու բանակցություններ է վարում Թբիլիսիի հետ։ Այդ մասին հայտարարել է իրանական National Iranian Gas Company (NIGEC) ներկայացուցիչ Ալիռեզա Կամելին:
«Վրաստանի հետ ձեռք բերված պայմանավորվածության համաձայն՝ մենք պետք է գազը հասցնենք Հայաստանի սահման, իսկ Վրաստանն այն կստանա Հայաստանի սահմանին»,- հայտարարել է նա։ «Գործարքը պետք է տնտեսապես շահավետ լինի Վրաստանի համար»,- ավելացրել է Կամելին։
Մատակարարումների ծավալը կազմելու է 90-150 միլիոն խորանարդ մետր։ Կամելին ընդգծել է, որ մատակարարումներն ուղղված են լինելու Վրաստանի ներքին սպառմանը, ոչ թե Եվրոպա հասցնելուն։
Հիշեցնենք, որ այս պահին Վրաստանը գազ ստանում է հիմնականում Ադրբեջանից:
