ԵՐԵՎԱՆ, 4 հունվարի– Sputnik. Երևանի Կենտրոն և Նորք Մարաշ դատարանի որոշմամբ այսօր` հուվարի 3-ին Գևորգ Սաֆարյանի նկատմամբ խափանման միջոցը ընտրվեց կալանքը: Այս մասին news.am-ի հետ զրույցում հայտնել է «Հիմնադիր խորհրդարանի» ներկայացուցիչ Վարուժան Ավետիսյանը:
Դատական նիստի ընթացքում «Նոր Հայաստան» ճակատի ներկայացուցիչնեը բողոքի ակցիա են իրականացրել ի պաշտպանություն Գևորգ Սաֆարյանի: Նրանք համարում են, որ դատարանի որոշումն անօրինական է: Ցուցարարների մի մասը Ազատության հրապարակում կշարունակի շուրջօրյա հերթապահությունը:
Հատուկ քննչական ծառայությունում քրեական գործ է հարուցվել Քրեական օրենսգրքի 314-րդ հոդվածի հատկանիշներով և ձերբակալվել է Գևորգ Սաֆարյանը: Ըստ իրավապահ մարմինների` Գևորգ Սաֆարյանը բռնություն է գործադրել Ոստիկանության 4-րդ հատուկ գումարտակի հրամանատար, ոստիկանության կապիտան (Հրեշտակապետ) Գեղամ Խաչատրյանի նկատմամբ:
Հիշեցնենք, որ Երևանի Ազատության հրապարակում Ամանորի գիշերը ընդդիմադիր «Նոր Հայաստանի» անդամների և ոստիկանների միջև բախումներ էին տեղի ունեցել: Պատճառը մայրաքաղաքի փողոցներում տոնածառի հագուստով շրջող ակտիվիստն է եղել:
