ԵՐԵՎԱՆ, 2 հունվարի — Sputnik. Թեև Նոր տարին ողջ աշխարհում նշվող ամենասպասված ու հեքիաթային տոնն է, այնուամենայնիվ, նույնիսկ կախարդական գիշերը մեր երկրի որոշ բնակիչների համար ողբերգական ավարտ ունեցավ, ոմանք սահմանափակվեցին թեթևակի անհարամարություններով:
Իրավիճակը բարդացավ Սկանդինավիայից ներխուժած արկտիկական օդային զանգվածների հետևանքով առաջացած առատ տեղումների պատճառով:
«Հունվարի 2-ի առավոտից հանրապետության ողջ տարածքում գրանցվել է 27 միջադեպ, և դեռ դժվար է ասել, որ դեպքերն են ավելի շատ: Ինչ վերաբերում է ավտոմեքենաների տեղաշարժին, ապա սահմանափակումների 90 տոկոսը կապված է մարդկային գործոնի հետ (վարորդների անզգուշության հետևանքով): Ճանապարհները կանոնավոր մաքրվում են», — այս մասին Sputnik Արմենիայի հետ զրույցում հայտնեցին տարածքային կառավարման և արտակարգ իրավիճակների նախարարությունից:
Աշխատանքներին ներգրավվել են նաև շտապօգնության բրիգադները: Նոր տարվա ընթացքում հիվանդանոց է տեղափոխվել 126 մարդ: Նախնական տվյալով՝ պատկերը նախորդ տարիների համեմատ չի փոխվել: «Անցյալ տարիներին մեծ թվով ՃՏՊ-ներ, թունավորումներ ու տարբեր տիպի կենցաղային խնդիրներ են գրանցվել», — ասաց ՀՀ Տարածքային կառավարման ու արտակարգ իրավիճակների նախարարության Ճգնաժամային կառավարման կենտրոնի պետ Հովհաննես Խանգելդյանը: Նա կոչ արեց քաղաքացիներին առավելագույնս զգույշ լինել տոնական այս օրերին:
