ԵՐԵՎԱՆ, 2 հունվարի — Sputnik. Հունվարի 2-ին ժամը 07.50-ին ահազանգ է ստացվել, որ Երևանի Նորք-Մարաշ 17-րդ փողոցի տներից մեկի բնակչուհու մոտ սկսվել են ծննդաբերության ցավեր, հիվանդանոց տեղափոխվելու համար անհրաժեշտ է փրկարարների օգնությունը:
Ինչպես հայտնում է ՀՀ ՏԿԱԻՆ մամուլի ծառայությունը, դեպքի վայր է մեկնել ՀՆՓԱԻ կենտրոնի փրկարարական ջոկատը:
Փրկարարները 1993թ.-ին ծնված Ն. Խ.-ին տեղափոխել և մոտեցրել են ընդառաջ եկող շտապօգնության ավտոմեքենային: Կինը տեղափոխվել է Մարգարյան ծննդատուն:
