ԵՐԵՎԱՆ, 30 դեկտեմբերի — Sputnik. Ռուսաստանի նախագահ Վլադիմիր Պուտինը Սուրբ ծննդյան ու գալիք Նոր տարվա կապակցությամբ շնորհավորական ուղերձ է հղել ԵՏՄ-ի և ԱՊՀ-ի երկրների առաջնորդներին` հույս հայտնելով, որ այդ երկրների հետ երկկողմանի արդյունավետ համագործակցությունը կշարունակվի, հայտնում է Կրեմլի մամուլի ծառայությունը։
Շնորհավորական ուղերձում ռուս առաջնորդը նշել է, որ անցնող տարին հայ-ռուսական հարաբերությունների տարբեր ոլորտներում նշանավորվեց նշանակալի ձեռքբերումներով:
«Հայաստանի անդամակցությունը Եվրասիական տնտեսական միությանը նոր հեռանկարներ բացեց ռուս-հայկական դաշնակցային հարաբերությունների ու միջազգային ասպարեզում գործընկերային համագործակցության ամրապնդման համար», — գրված է շնորհավորական ուղերձում։
Պուտինը վստահություն է հայտնել, որ համատեղ աշխատանքը հաջողությամբ կշարունակվի, «ինչը բխում է մեր երկրների եղբայրական ժողովուրդների շահերից, ընթանում է եվրասիական տարածության խաղաղության, կայունության և անվտանգության ապահովման հունով»։
