ԵՐԵՎԱՆ, 28 դեկտեմբերի — Sputnik. Հաղորդավարուհին ուշքի գալուց հետո հայտարարել է, որ իրեն լավ է զգում, հայտնում է ՌԻԱ Նովոստին։
Հարլոուն կարդում էր իշխանությունների` ահաբեկչության դեմ պայքարի հարցում ձեռք բերած հաջողությունների վերաբերյալ հարցման արդյունքները։ Հեռուստաալիքը ներկայացնում էր հարցման արդյունքները, երբ հաղորդավարուհու խոսքը սկսեց դանդաղել, հետո նա խորը շունչ քաշեց, և էկրանը մի քանի վայրկյանով սևացավ։
Հաղորդավարուհին վերադարձավ որոշ ժամանակ անց և շնորհակալություն հայտնեց այն հեռուստադիտողներին, ովքեր արդեն հասցրել էին Twitter-ում քննարկել նրա առողջական վիճակը։ Ավելի վաղ հայտնել էին, որ 33-ամյա Հարլոուն հղի է։
«Շնորհակալ եմ բոլոր նրանց, ովքեր Twitter-ում գրում ու անհանգստանում են իմ առողջության մասին։ Ես պարզապես մի փոքր վատ զգացի ինձ և կորցրի գիտակցությունս», — պարզաբանել է հաղորդավարուհին։
