ԵՐԵՎԱՆ, 26 դեկտեմբերի- Sputnik. Հարավային Կորեայից գյուտարար Յունչան Պարկը կնոջ հետ ստեղծել է Դրինքի ռոբոտին (Robot Drinky), որը միայնակ մարդկանց համար կարող է կատարել բաժակակից ընկերոջ սովորական գործառույթները, գրում է The Asia-ն: Անսովոր ռոբոտի տերերն արդեն հասցրել են նրան անուն տալ՝ «Ռոբոտ Դրինքի»:
Ռոբոտը նույնությամբ կրկնում է մարդու շարժումները, հաճույքով համաձայնում է նրա հետ մեկ բաժակ խմել: Ալկոհոլի ազդեցությունից հետո բաժակի պարունակությունը լցվում է ամանի մեջ, որը գտնվում է ռոբոտի մարմնի ստորի հատվածում: Միաժամանակ ռոբոտը հաճույքով բաժակը խփում է ընկերոջ բաժակին, նրա այտերը շառագունում են, որպեսզի ամբողջությամբ նմանվի մարդու օրգանիզմի ռեակցիային:
Սակայն նման ռոբոտ ստեղծելու գաղափարը նորույթ չէ: Ինչպես գրում է vistanews.ru-ն, նախկինում լեհ ինժեներները հորինել էին ռոբոտացված ձեռք, որը ոգելից խմիչքը լցնում էր բաժակները և խփում տիրոջ բաժակին: Բայց այդ հայտնագործությունը «Ռոբոտ Դրինքիի» նման մեծ արձագանքի չարժանացավ:
