ԵՐԵՎԱՆ, 24 դեկտեմբերի- Sputnik. Հայաստանի «Կամխուդ» բարձրլեռնային զորավարժարանում ընթանում են Հարավային ռազմական օկրուգի (ՀՌՕ) ռուսական ռազմակայանի հետախուզական ստորաբաժանումների անհատական նախապատրաստության պարապմունքները։
«Զորավարժություններն ընթանում են դաշտային պայմաններում —5-ից —25-աստիճան ջերմաստիճանային ռեժիմների կտրուկ փոփոխության պայմաններում, ծովի մակարդակից 1,5-2 հազար մետր բարձրության վրա»,- նշված է հաղորդագրությունում։
Ուսումնական միջոցառումներում ներգրավված է ավելի քան 300 զինծառայող, գործարկված է շուրջ 150 միավոր հատուկ ռազմական տեխնիկա։
Լեռնային տեղանքում հետախույզների նախապատրաստման առանձնահատկությունը դահուկներով ուսուցումն է։
Անհատական նախապատրաստությունը կավարտվի հիմնական առարկաներից նորմատիվներ հանձնելով։
