Նոր տարվա տոնին շատերն իրենց տունը զարդարում են ոչ թե բնական, այլ արհեստական տոնածառով։ Ի տարբերություն բնական ծառերի, արհեստական տոնածառերն ավելի պրակտիկ են. փշերը չեն թափվում և կարելի է օգտագործել նաև հաջորդ տարիներին։ Այս օրերին գրեթե բոլոր խանութներում կարելի է արհեստական եղևնիներ գտնել։
Տոնածառ ընտրելու հարցում չսխալվելու համար խորհուրդներ է տալիս Սվետլանա Կորժը։
«Սկզբում պետք է ծալել ճյուղերը, որպեսզի հասկանաս` ամուր են արդյոք ամրացված, թե ոչ։ Այնուհետև պետք է ստուգել փշերի ամրությունը։ Եթե փշերը չեն թափվում, ուրեմն տոնածառը որակյալ է», — պարզաբանել է Կորժը։
Եվս մեկ թեստ` հոտի վերաբերյալ։ Եթե տոնածառից ռետինի կամ պլաստմասսայի հոտ է գալիս, ավելի լավ է` այն չգնեք։
Տոնը չփչացնելու համար պետք է պարզապես հիշել, որ երեխաներին արգելվում է մեծահասակների բացակայության ժամանակ միացնել տոնածառի լույսերը, որոնք պետք է անպայման անջատել նաև գիշերային ժամերին։
