ԵՐԵՎԱՆ, 23 դեկտեմբերի- Sputnik. Վրաստանի վարչապետ Իրակլի Ղարիբաշվիլին չորեքշաբթի երեկոյան հայտարարել է, որ հրաժարական է ներկայացնում։ Այս մասին հայտնում է Sputnik Գրուզիան։
«Ես լքում եմ պաշտոնը, բայց շարունակում են հայրենիքի զինվոր մնալ»,- հայտարարել է Ղարիբաշվիլին և որևէ կերպ չի մեկնաբանել իր որոշումը։
Վրացական ԶԼՄ-ներն ու փորձագետները, որոնք կանխատեսում էին կառավարության ղեկավարի հրաժարականը, ենթադրում են, որ Ղարիբաշվիլին կգլխավորի «Վրացական երազանք` ժողովրդավարական Վրաստան» կուսակցության նախընտրական շտաբը և 2016թ.-ի խորհրդարանական ընտրություններում կոալիցիայի ընտրացուցակը։
