ԵՐԵՎԱՆ, 23 դեկտեմբերի- Sputnik. Ռուսաստանի բնապահպանության նախարար Սերգեյ Դոնսկոյը դիմել է գլխավոր դատախազություն և պահանջել, որ հետաքննեն սպիտակ արջի մահվան դեպքը, հաղորդում է ՌԴ բնապահպանության նախարարությունը։
«Ռուսաստանի բնապահպանության նախարարությունը տեսանյութ է ստացել, որում հստակ արձանագրված են ՌԴ Կարմիր գրքում գրանցված սպիտակ արջի սպանության կադրերը։ Նախնական տվյալով` սպանությունը կատարել է աշխատողներից մեկը»,- նշված է հաղորդագրությունում։
«Տեսագրված կադրերը ռուսական և միջազգային բնապահպանական օրենսդրության նորմերի աղաղակող խախտում են»,- ասել է գերատեսչության ղեկավարը։
Դոնսկոյը գլխավոր դատախազությանը կոչ է արել հետաքննել կենդանու դաժան սպանությունը և քրեական պատասխանատվության ենթարկել մեղավորներին։
