ԵՐԵՎԱՆ, 23 դեկտեմբերի- Sputnik. Նաիրա Մկրտչյանի մեկնաբանմամբ` պայթյունը տեղի է ունեցել սավառնակի առաջնամասում: Դրա հետևանքով վիրավորվել է երկու աշխատակից: Նրանցից մեկը հիվանդանոց տեղափոխվելուց հետո մահացել է:
«Պայթյունի պատճառների մասին ոչ մի հստակ վարկած չկա: Շրջանառվում է, որ այն ահաբեկչության հետևանք է, սակայն պաշտոնական հայտարարություն դեռ չի եղել: «Պեգասուս» օդային ընկերությունը միայն հայտարարել է, որ հետաքննություն է սկսվել, և անվտանգության միջոցառումները խստացվել են: Օդում կարելի է ուղղաթիռներ տեսնել, որոնք վերևից հսկում են շրջակայքը: Անվտանգության աշխատակիցներն էլ միջոցառումներ են ձեռնարկել պայթյունը կազմակերպած անձանց գտնելու ուղղությամբ»,-պատմեց «Մարմարա» օրաթերթի աշխատակիցը:
Նաիրա Մկրտչյանը հաղորդեց, որ պատահարի հետևանքով թռիչքները չեն հետաձգվել և ոչ մի խուճապ չկա:
