ԵՐԵՎԱՆ, 23 դեկտեմբերի- Sputnik. Ամերիկյան Time-ի հրապարակած ինտերակտիվ քարտեզի արդյունքները ցույց են տալիս, թե աշխարհի 26 երկրում ում անունն են ամենից շատ որոնում Google-ում։
Վերլուծության արդյունքների համաձայն, հայազգի հեռուստաաստղ Քիմ Քարդաշյանը և մեր ժամանակների լավագույն ֆուտբոլիստ Լիոնել Մեսսին գլխավորել են աշխարհի ամենաորոնվող աստղերի վարկանիշը։
Քարդաշյանի անունը ամենից շատ որոնել են Հայաստանում, Շվեդիայում, Կանադայում, ԱՄՆ-ում, Ադրբեջանում, Թուրքիայում, Նոր Զելանդիայում, Նորվեգիայում, Քաթարում և Ֆրանսիայում։
Google-ի վարկածով Ռուսաստանում ամենաշատ որոնվող կինը եղել է ՌԴ նախագահ Վլադիմիր Պուտինի նախկին կինը` Լյուդմիլա Պուտինան։ Նա վաղուց խուսափում է հանրային վայրերում հայտնվելուց, բայց նրա կյանքը շարունակում է հետաքրքրել միլիոնավոր ռուսների։ Ըստ վերլուծաբանների, այս հետաքրքրությունը պայմանավորված է նրա նախկին ամուսնու մեծ համբավով։
